Oinarrizko Finantza Prestakuntza: Funtsezko Printzipioak

Kreditu bat eskatzea eta interes-tasak zer diren jakitea, Euriborraren tasaren arabera mailegu batek zenbat balio dezakeen jakitea edo inflazioa zer den eta gure poltsikoan nola eragiten duen jakitea, edo, besterik gabe, gure dirua kudeatzen jakitea, finantzaketa beharrik ez izateko, bizitzako uneren batean ia pertsona guztiok aurre egin behar diegun egoerak dira, baina zoritxarrez pertsona askok ez dituzte gai hauen inguruko oinarrizko ezagutzak. Izan ere, hainbat sektoretako profesionalek aurre egin behar diote beren negozioen finantza-kudeaketari, eta ez dute aldez aurretik finantza-prestakuntzarik jaso. Oinarrizko finantza prestakuntza beharrezkoa da diruarekin harreman osasuntsua izateko eta, batez ere, beharrezkoak ez diren sustoak saihesteko, hala nola, bankuen abusuzko klausulak, kreditu bukaezinak edo finantza-produktu nahasiak ekiditeko. Gai honen inguruko ezagutza izateak finantza pertsonalak eta profesionalak hobetzea ahalbidetuko dizu.

Horrela, ikastaro honek egoera horietako bakoitzari etekina ateratzeko balioko du: ikastaroa egiten dutenek, besteak beste, jakin ahal izango dute kasu bakoitzean zer interes-tasa komeni den, beren kredituen urteko ordainketak nola zehaztu ditzaketen eta oinarrizko finantza-egoerak ulertu ahalko dituzte.

Ikastaro honen helburua matematika finantzarioa eta kontabilitatea mundu guztiarentzat eskuragarriak izatea da: aldez aurreko ezagutzarik izan gabe, bizitza finantzario pertsonala eta profesionala ikasteko eta hobetzen gogoa duten pertsonei zuzendua dago.

Ikaskuntzaren emaitzak eta lorpen mota

Ikastaroa amaitzen duten pertsonek hurrengo ezagupenak izango dituzte:

• Finantza eragiketen logika eta aplikazioak ulertzea.
• Oinarrizko finantza egoerak ulertzea eta finantza eragiketa horietan nola islatzen diren ulertzea.
• Haien beharretara egokitzen diren aurrezki-planak edo kapitalen eraketak diseinatzea.
• Maileguen funtzionamendua ulertzea.