Unibertsitateko mikrokredentzialak

Profesionalen prestakuntza pertsonalizatua

Unibertsitateko mikrokredentzialak etengabeko prestakuntza sustatzeko prestakuntza-eredu berritzailea dira.

Prestakuntza eguneratua da, espezializatua eta kalitatekoa. Europar Batasunak diruz lagundu eta ziurtatzen duen prestakuntza da, eta gure unibertsitateko irakasleen zuzendaritza akademikoaren pean gauzatzen da. Iraupen laburrekoak dira, eta lan eta gizarte inguruneetan sortzen diren beharrizanak asetzeko pentsatuta daude.

Enpresa, erakunde eta administrazio publikoarekiko lankidetza bultzatzen dute. Jardunean dauden profesionalei eta bere curriculuma eta gaitasunak hobetu nahi dituzten pertsonei zuzendurik daude, eta prestakuntza-ibilbide pertsonalizatua sortzeko aukera ematen die.

EHUko irakasleak Enpresak, erakundeak eta administrazioa Matrikula zaitez

EHUko irakasleak

EHUko irakaslea bazara, unibertsitateko mikrokredentzialak proposatu, zuzendu eta eman ditzakezu.
Zuzendaritza akademikoa EHUko irakasleei dagokie. Hala ere, zuzendaritzan eta irakaskuntzan profesionalek ere parte hartzea aurreikusten da.

DEIALDIAREN EPEAK 2026ko martxoaren 13ra arte edo funtsak amaitu arte.

Aurkeztu zure proposamena
Ezagutza eman ta zabaltzeko aukera bat.
Ezagutza eman ta zabaltzeko aukera bat.
Lankidetzarako bideak sortzen ditu: Unibertsitatea-Gizartea.
Lankidetzarako bideak sortzen ditu: Unibertsitatea-Gizartea.
Prestakuntza honen kudeaketa administratibo eta ekonomikoa estalita dago.
Prestakuntza honen kudeaketa administratibo eta ekonomikoa estalita dago.
EHUko irakasleak

Enpresak, erakundeak eta administrazioa

Unibertsitateko mikrokredentziala lan munduko eta gizarteko beharrizanekin lotuta dago, eta enplegagarritasuna, gaitasun profesionala eta espezializazioa hobetzen ditu.
Mikrokredentzialaren proposamenak enpresa, erakunde edo administrazio publiko baten beharrizan edo interes bati lotuta egon behar du, horrek ahalbidetzen baitu Unibertsitatea-Gizartea harremana.

Bidali prestakuntza eskaera
Kalitatezko prestakuntza, malgua eta zure enpresa edo erakundeari egokitua.
Kalitatezko prestakuntza, malgua eta zure enpresa edo erakundeari egokitua.
% 70era arteko finantzaketa.
% 70era arteko finantzaketa.
Europass ziurtagiri digitala, Europan aitorpen ofiziala duena.
Europass ziurtagiri digitala, Europan aitorpen ofiziala duena.
Enpresak, erakundeak eta administrazioa

Unibertsitateko irakasleontzat ikasketa ofizialetako curriculum hertsian irakatsi ezin daitezkeen gaiak irakasteko aukera emateaz gain, enpresa, erakunde eta elkarteekin lan egiteko aukera paregabea dira Mikrokredentzialak. Era horretako ibilbide formatiboaren diseinuak ezagutza aplikatuagoetarako atea zabaltzen digu, eta aukera ematen digu ikerketan garatzen ari garen gai espezifikoak lantzeko.

Enpresa, erakunde eta profesionalek garapen profesionalerako oso baliagarria izango zaien formazio espezifikoa aurkituko dute Mikrokredentzialetan. Gainera, mikrokredentzialaren diseinu-prozesuaren parte har dezakete. 

Formazioan parte hartu duten profesionalen %85ak gomendatuko luke ikastaroa egitea. Landu diren gaien interesa eta irakasleen maila altua azpimarratu dute. Lan eremura aplikatua izatea oso ondo baloratu dute, baita irakasleekin izandako interakzio aktiboa ere.

Jon Zarate Sesma
Mikrokredentzialen irakaslea

Matrikula zaitez

25 eta 64 urte bitarteko pertsonei zuzendurik dago.
Ez da ezinbestekoa unibertsitate titulua izatea, prestakuntza bakoitzaren baldintzen araberakoa izango da.
Matrikulatzeko gida

Kontsultatu prestakuntza-eskaintza hemen, eta egin matrikula.

Ohiko galderak

Zer dira unibertsitateko mikrokredentzialak?

EHUren berezko ikaskuntzak dira, iraupen laburreko prestakuntza-jarduerei lotuak.

Diruz lagunduta al daude?

Zientzia, Berrikuntza eta Unibertsitate Ministerioaren Microcreds Planak Europar Batasunaren Next Generatioin funtsen dirulaguntza jasotzen du.

Nola finantzatzen da prestakuntza hau?

Dirulaguntzari esker, matrikularen zenbatekoaren % 70era arte murritz daiteke, eta gainerakoa, banakako matrikulak ordainduz edo enpresak edo erakundeak matrikula guztiak batera ordainduz finantza daiteke, betiere diru hori Europako funtsetatik ez badator.

Zer helburu dute?

Mikrokredentzialak pentsatuta daude enplegagarritasuna hobetzen laguntzeko, kualifikazio berriak eskuratzeko, lanbide berrietara egokitzeko, unibertsitatetarako jauzia egiteko edo gizarteratzen laguntzeko.

Prestakuntza-eredu berritzaile hau Europar Batasunak sustatzen duen etengabeko ikaskuntzarako tresna da, eta gizarteak eta egungo lan merkatuak eskatzen dituzten ezagutzak, trebetasunak eta gaitasunak eskuratzeko formula malgu bat eskaintzen du.

Zenbat irauten dute?

Prestakuntza laburrak dira, prestakuntza-pilulak alegia, 10 eta 30 ordu artekoak. Betiere, 15 ECTS kreditu baino gutxiago (150 ordu).

Nori zuzenduta daude?

25 eta 64 urte bitartean dituen eta bere ezagutzak edo trebetasun profesional eta/edo akademikoak zabaldu nahi dituen edonori.

Beharrezkoa al da unibertsitateko titulu bat izatea matrikulatzeko?

Batzuetan bai, beste batzuetan ez. Mikrokredentzial bakoitzak bere baldintzak ezarriko ditu.

Zer modalitate ematen dira?

Aurrez aurrekoak, birtualak edo mistoak izan daitezke.