Lanbide Heziketako irakasle teknikoen prestakuntza pedagogiko eta didaktikoa

LHko Irakasle Teknikoaren Diploma maiatzaren 3ko 2/2006 Lege Organikoaren 100.2 artikuluak eskatzen duen prestakuntza pedagogiko eta didaktikoa edukitzea egiaztatzen duen Ziurtagiri Ofiziala eskuratzera bideratuta dago, beren titulaziotik eratorritako arrazoiak direla-eta master ikasketetara sartu ezin dutenentzat. Hau da, Lanbide Heziketako titulazioa dutenentzat eta unibertsitate-graduaren parekoak diren ikasketa-mailarik ez dutenentzat.

Beraz, diploma honek beharrezko prestakuntza pedagogiko eta didaktikoa ematen du, eta aukera ematen die Lanbide Heziketako titulazioetan irakasle tekniko moduan eskola emateko gaikuntza lortzeko egoera horretan dauden pertsona horiei.

Prestakuntzak 60 ECTS kreditu ditu, ikasturte bat irauten du, eta hiru modulutan banatuta dago (Generikoa, Espezifikoa eta Practicuma). Eskolak on-line modalitate semi-presentzialean emango dira, Practicumari dagozkion kredituak izan ezik; horiek aurrez aurrekoak izango dira.

DOKUMENTAZIOA ERKATZEA

Diplomaren zuzendariaren (Hilario Murua Cartón) 02B2 bulegoan (HEFA I eraikina) erkatuko dira dokumentazioa, goi-mailako titulua eta hizkuntza-egiaztapena, ordutegi hauetan:

1. Ekainaren 24an, 08:00etatik 12:00etara
2. Ekainaren 26an, 08:00etatik 12:00etara
3. Ekainaren 27an, 11:00etatik 13:00etara
4. Ekainaren 28an 08:00etatik 12:00etara

PREZIO PUBLIKOEN SALBUESPEN ETA MURRIZPENA

1. Matrikula prezioaren % 50, kategoria orokorreko familia ugarietako kideentzat

2. Salbuespen osoa, kategoria bereziko familia ugarietako kideentzat

Familia ugariaren izaera diputazio edo organismo eskudunak emaniko titulu ofizial eta iraungi gabearen fotokopia konpultsatuaren bidez edo fotokopia eta jatorrizkoa, hauen erkatzeko, aurkeztuta egiaztatuko ahal da. Titulua iraungita balego, familia ugariak eskaintzen dituen onurak jaso ahal izango dituzte titulu horren berritzea tramitatzen ari dela egiaztatuko luketenek.

3. Salbuespen osoa, ekintza terroristen biktimentzat, bai eta hauen ezkontide eta seme-alabentzat ere

Ekintza terroristen biktimaren izaera Barne Ministerioko Herritarrentzako eta Terrorismoaren Biktimei Laguntza Emateko Azpizuzendaritza Orokorrak emandako agiria aurkeztuz egiaztatuko da.

4. Salbuespen osoa, organo eskudunak ezintasunaren maila % 33 edo handiagoa aitortuta duten ezgaitasunak dituzten ikasleentzat

Izaera honen agertzeko, diputazio edo organismo eskudunak emaniko ziurtagiria aurkeztu beharko da.

5. Genero indarkeriaren biktimak erabat salbuetsi daude

Genero indarkeriaren biktimatzat hartuta Indarkeriaren biktimei laguntzeko Euskal Autonomia Erkidegoko Administrazio Orokorrean dauden koordinazio mekanismoei buruzko martxoaren 1eko 29/2011 Dekretuan zehaztutakoak eta egoitza berean bizi diren haren kargurako 25 urtetik beherako seme-alabek agindu honetan araututako salbuespenak eta murrizketak aplikatzeko eskubidea izango dute.

6. Nazioarteko babesaren eskatzaileek zein onuradunek eta aberrigabeek

Agindu honetan araututako prezio publikoak ordaintzetik salbuestea lortu ahal izango dute, baldin eta maila bereko unibertsitate-titulurik ez badute.

UPV/EHUko berezko tituluetan pertsona bakoitzak arrazoi bakarra argudiatu ahal izango du tasetatik salbuesteko

MATRIKULAREN PREZIOA

Ordainketa bakarrean egiten bada, 1.800 €+ 30,68 € administrazio-gastuak (bakoitza bere aldetik).

Bi epetan egiten bada, lehen epea 900 €+ 30,68 € matrikula egitean, eta bigarren epea, 2025eko urtarrilaren lehen hamabostaldia, 900 €

ORDUTEGIA

Astelehen eta asteazkenetan 15:00etatik 20:00tara