Landartean | Mod. 1: Ingurune naturalaz hausnar

Arkitekto doktorea eta irakasle elkartua UPV/EHUko Arkitektura Goi Eskola Teknikoan (AGET). Irakaskuntza eta ikerketa jarduerak praktika profesionalarekin uztartzen ditu arkitektura eta hirigintzako ‘nizu’ bulegoan. Donostiako eskola publikoetako patioak birlandatzeko BERdeaPIZTU taldeko kidea da, Donostiako Udalak sustaturiko ekintza. Kontu Laborategia. Kontatzea muga-ikerketan taldeko kidea da eta Colpark. Kolapsoan bizitzeko parkeak proiektuan parte-hartzen du. Gaur egungo ikerketa-ildoa materia bizia, haren prozesuak eta haren eratorriak arkitektura-proiektuan txertatzean datza, bai eraikuntza-mailan, bai pentsamendu-logikaren mailan. Hilero kolaboratzen du Argia aldizkariarekin eta Gaur8-Gara astekariarekin espazio, hiri eta lurralde problematikei buruzko artikuluekin. EHUko AGET-en irakasle elkartua proiektu arkitektonikoen ikasgaian, 2009.urtetik gaur egun arte.

Arkitektoa UPV/EHU-ko Arkitektura Goi Eskola Teknikotik (AGET), Karrera Amaierako Sari Bereziarekin. ‘MA Cities & Innovation‘ masterra Central Saint Martins (CSM), University of the Arts London (UAL) eskolan. Mikel ‘mmej arkitektura’ eta paisaia bulegoko bazkidea da 2010-etik. Tartean, 2016-2020 bitartean, Londresko Hawkins\Brown arkitektura bulegoko hirigintza eta ikerketa taldekidea izan da, hiri eskalako estrategia eta ikerlanak zuzenduz; harremana 2022-rarte mantendu du aholkulari gisa. 2018-2020 bitartean irakasle elkartua Londresko CSM eskolako BA Architecture graduan. 2019an DTT Leader, London School of Architecture (LSA) eskolako arkitektura masterrean. EHU-ko AGET eskolan irakasle elkartua da 2021az geroztik, hirigintza arloan.

Gizarte Langintzako gradua (EHU,2014). Agroekologia graduondokoa (UEU, 2015) eta Baserritik Mundura graduondokoak (EHU/Hegoa eta EHNE Bizkaia, 2018).Arlo sozialeko ezagutzak eta ikuspegi agronomiko anitzak uztartzeko, hainbat esparrutan trebatu da. Parte hartzea, talde dinamizazioa, biologia, natur interpretazioa, agroekologia, permakultura, basogintza, agroforesteria, baratza hezitzaileak eta baratzegintza sozial eta terapeutikoan, besteak beste. Mugimendu ezberdinetan parte hartu du, hala nola, ekoizpen agroekologiko proiektu kolektibo ezberdinak, aisialdi taldea eta basogintza komunitarioa. Lan arloan, Xomorro elkarteko Hezkuntza Agroekologia arloaren arduradunkide da. Eskolen berdeguneen diseinu eta inplementazioak, Donostiako Eskola Baratza Sareko eta kultur etxeetako hiri baratze hezitzaileetako dinamizazio eta koordinazioa eta Errenteriako Belabaratz udal aterpetxeko gizarte langile bezala egin du lan (2021-2024). Bertako baratza kolektiboaren sortzaile eta dinamizatzailea izan da.

Hidrogeologian katedraduna da Euskal Herriko Unibertsitateko (UPV/EHU) Geodinamika Sailean. Zientzietan doktorea (1986) eta Geologian lizentziaduna (1978) da UPV/EHUn. UPV/EHUko irakaslea da 1979tik. Hidrogeologian (batez ere eremu karstikoen hidrodinamikan eta akuifero kuaternarioen kutsaduran) eta oraintsuago Euskal Autonomia Erkidegoko arroen gainazaleko hidrologian garatu du bere ikerketa-jarduera, sedimentuen dinamika barne. Hidrogeologia eta Ingurumen Taldeko zuzendaria da, eta Eusko Jaurlaritzak talde finkatu gisa aitortu du. Esperientzia zabala du ikerketa-proiektuetan, eta berrienak klima-aldaketarekin lotuta daude. Deskargen, arroko eskalako baliabide hidrikoen eta etorkizuneko klima-aldaketaren, lurzoruaren erabilera-aldaketaren eta ibai-dinamikaren joeren azterketan zentratzen da.

Naturalista. Idazlea, kazetaria eta zuzendari editoriala. Telebistako serieen eta zinemako dokumentalen zuzendari, errealizadore, gidoilari eta aurkezlea. Gai filosofiko, ekologiko, literario, biologiko eta agronomikoen dibulgatzailea hainbat hedabidetan. 27.500 zuhaitz landatu ditu pertsonalki, eta landaketa sustatu du hainbat erakundetan.

Kanpoko Bulegoa, landa eremuko kultura eta lurraldearen inguruko pentsamendu aplikatua garatzen duen artisau-lantegia da. Gure kultur ekoizpenak lotura estua du baserrian egiten dugun eguneroko jarduerarekin. Gure lana idazketan, diseinuan, hausnarketa kolektiboko prozesuetan eta lurralde-dinamizazioan oinarritzen da. Marc ikertzaile eta dinamizatzaile agroekologikoa da. Nekazal kulturarekin, landa historiarekin, elikadura sistemarekin eta eredu agroindustrialarekin lotutako liburu eta artikulu batzuk argitaratu ditu.

Mikel Baztan, ingurumen-teknikaria, Ahora Clima programaren sortzailea. Noaingo eta Iruñeko udaletan berdegune publikoen kudeaketaren arduraduna izan da, eta lorezaintza ekologikoa egin du bertan.

Susana Brosed paisajista da UPCn (Universitat Politècnica de Catalunya), eta Europako hainbat herrialdetan garatu du bere ibilbide profesionala: Espainian, Portugalen, Erresuma Batuan, Frantzian eta Alemanian. Gaur egun, Zuhaitza doktorearen zuhaitz-aholkularitzarekin lankidetzan aritzen da Azpiegitura Berdeen sailean, Hiri Berdearen Planak, paisajismo-proiektuak eta landaketen diseinuak gauzatuz. Bere jarduera profesionala eta hainbat erakundetako irakaskuntza-lana uztartzen ditu.

Biologoa. Kontrol Biologikoko espezialista eta Hidrobiology enpresako zuzendari teknikoa. 2012. urteaz geroztik, izurriteen kontrol biologikoarekin, hiriko biodibertsitate funtzionalaren sustapenarekin eta hiriaren naturalizazioarekin lotutako lanak garatzen ditu. «Alcorques Vivos» proiektuaren sortzailea.

Madrileko Arkitektura Eskolatik arkitekto-doktorea. Kodiseinuko, diseinu parte-hartzaileko eta baliabide materialen eta giza baliabideen kudeaketako prozesuetan espezializatua, non paisaia eta lurraldea bere obra eta proiektuekin estuki lotuta dauden. 2008an LUPO SISTEMA sortu zuen, eta aterki horren azpian arkitektura eta hezkuntza binomioan interesa duten profesionalen talde bat zuzentzen du.

Lorezain maisua eta Kataluniako Malgrat de Mar-eko lorategi eta berdeguneen zerbitzuko arduraduna, 1998an hasitako lotura. Hainbat formazio eta mahai-ingurutan parte hartu du, hizlari gisa, hiriko berdeguneen problematikari, lorategien kontzeptuari, kudeaketari eta mantentze-lanei buruz.

Kanpoko Bulegoa, landa eremuko kultura eta lurraldearen inguruko pentsamendu aplikatua garatzen duen artisau-lantegia da. Gure kultur ekoizpenak lotura estua du baserrian egiten dugun eguneroko jarduerarekin. Gure lana idazketan, diseinuan, hausnarketa kolektiboko prozesuetan eta lurralde-dinamizazioan oinarritzen da. Annek Donostiako Laia atelierrean hasi zuen bere ibilbide profesionala. Arte garaikidea eta landatartasuna lotzen dituzten hainbat proiektu eta lantaldetan parte hartu du. Gaur egun landa-paisaiak zaharberritzen ditu.

Daniel López García biologoa eta Agroekologian doktorea da. Zientzialari titular gisa lan egiten du CSICeko Ekonomia, Geografia eta Demografia Institutuan, eta Entretantos Fundazioaren kolaboratzailea da. Bere ikerketa nekazaritzako elikagaien sistemaren eskalako trantsizio agroekologikoan oinarritzen da, besteak beste, tokiko elikadura-politikak, nekazaritza-politikak, elikadura-sare alternatiboak, gobernantza parte-hartzaileko eta eragile anitzeko dinamikak eta elikagai-trantsizioei aplikatutako koalizio intersekzionalen ikuspegiak barne. Ikerketa agroekologikotik abiatuta lan egiten du, konprometitua eta ekintzara bideratua. Nekazaria izan da eta Ekologistak Martxan taldeko kidea da.

Ingurumen Zientzietan Lizentziatua (EHU) eta Globalizazioa eta Garapena masterra burutua (HEGOA, Nazioarteko Lankidetza eta Garapenari Buruzko Ikasketa Institutua). Agroekologia ardatz duten zenbait proiektutan aritua, besteak beste, EHKOlektiboa elkartean eta Euskal Herriko zenbait udalerritako elikadura sistemen diagnostikoa garatzen. Gaur egun Xomorro elkartean baratzearen inguruan formatzaile gisa lanean eta Bortziriak-Malerreka-Bertizaranan (Nafarroa) elikadura dinamizatzaile gisa. Jardun profesionala hainbat ekoizpen agroekologiko kolektibotako parte hartzearekin uztartuta: Sagarrondu sagardo ekoizpen taldea, baratze eta frutarbol kolektiboak, onddo ekoizpena, etab. Agroekologiaren munduan egindako ibilbideak nekazaritza sintropikoa ezagutzera eraman nau eta horrek baso jangarriak ulertzeko beste ikuspegi bat eskaini dit, eredu honi lotutako praktikak pixkanaka txertatzeko.

Arkitekto doktorea, nekazaritzako elikagaien sistema lurralderatuei, hiri-nekazaritzari eta birnaturalizazioari buruzko hainbat proiektu eta ikerketa-saretan parte hartu du. Bere azken lanak bioeskualdearen kontzeptua-ren inguruan egituratzen dira. Irakasle laguntzaile doktorea da Madrilgo Unibertsitate Politeknikoko Arkitek-tura Eskolako Hirigintza eta Lurralde Antolamendu Sailean, eta Arkitektura, Hirigintza eta Iraunkortasuneko Ikerketa Taldeko kidea (GIAU+S, UPM). Trantsizioak Foroan parte hartzen du, izaera ekologikoko eta diziplinaz gaindiko konposizioko elkarte batean.

José Manuel Naredo Ekonomia Zientzietan doktorea da, eta Estatuko Estatistikarien goi-mailako kidea. Ikerketa-esperientzia luzea du, eta pentsamendu ekonomikoaren oinarriei buruzko sakoneko hausnarketak eta azterketa zehatzak konbinatzen ditu, bereziki ondare-alderdiei eta nekazaritza-, hiri- eta industria-sistemen funtzionamenduari dagokienez. Madrilgo Unibertsitate Politeknikoko Arkitekturako Goi Eskola Teknikoko Hirigintza eta Lurralde Antolamendu Sailera ad honorem irakasle gisa lotu da, higiezinen burbuilen aurresale eta analista gisa nabarmendu ondoren, baita hiri-metabolismoan eta lurraldean duten eragina ere. 2000ko Ingurumenaren Sari Nazionala, 2008ko Nazioarteko GEOKRITIKA Saria, 2011ko Urrezko Panda saria, WWFk emandakoa eta 2018ko Fernando González Bernáldez Fundazioaren Saria irabazi ditu. Bere ibilbidea eta argitalpenak zehatzago ezagutzeko, web orrira jo: elrincondenaredo.org.

Juan Mari Odriozola Donostiako Udaleko Parke eta Lorategien Ataleko teknikaria da, eta hiriko zuhaitzen arduraduna. Eguneroko lan praktikotik eta formazio etengabeetan arborikulturari eskainia. Donostiako Zuhaiztien Plan Zuzentzailearen idazketaren buru izan da.

Nekazaritzako Ingeniari Teknikoa, Hortofrutikultura eta Lorezaintzako espezialitatea, Nafarroako Unibertsitate Publikoan, eta Paisajismoko masterra, Bartzelonako Arkitekturako Goi Eskola Teknikoan. 2005. urteaz geroztik, udal-eremuan berdeguneak sortzen, babesten, mantentzen eta kudeatzen jardun du erabat, eta paisaiaren diziplina anitzeko begirada txertatu du hirian, natura herritarrengana hurbiltzeko landare-forma guztietan. Donostiako Udalean jardun du, parke eta lorategien teknikari gisa, Hiri Mantentze eta Zerbitzuen Zuzendaritzan, eta gune berdeekin lotutako guztia koordinatu, planifikatu, gainbegiratu eta aholkatu du. Obra eta Proiektuen Zuzendaritzako Espazio Berdeen arduraduna. Obrak egin eta ikuskatuko ditu, eta berdeguneak sortzeko eta eraldatzeko proiektuak aholkatu, berrikusi eta diseinatuko ditu. Gaur egun, Parke eta Lorategien Ataleko burua da.

Amaia Torres Piñeiro, arkitektoa eta ilustratzaile zientifikoa da, museo eta ikerlarientzat, ondare historikoaren dibulgaziorako irudiak zein ikerketa zientifikoetarako dokumentazio bisuala sortzen dituena. Parke naturaletan, naturaren marrazketa eta marrazketa arkitektonikoaren inguruan tailerrak gauzatzen ditu. Bertan, behatzearen garrantziaz jabetzea, kasuan kasu interesgarriak diren elementuak detektatzea eta landa-koadernoan apunteak garatzea irakasten du. Arkeologia eta paleontologian arloetan espezializatuta dago, eszena historikoak, eraikuntza eta gailuen birgaikuntzak eratuz, aztarnategi arkeologikoetan oinarrituta. Ilustrazio lan hau, ikerketa zientifiko konplexuak ulertarazten laguntzera bideratuta dago, zein profesional espezializatuen kasuan, ikerketa lanak osatzera.

Iñigo Segurola Arregui nekazaritza teknikaria da eta Edinburgoko Heriot-Watt Unibertsitatean Paisaian graduatua. LUR Paisajistak erakundearen bazkide sortzailea, eta bertatik paisaia-proiektuak garatzen ditu. Bricomania telebista-saioko lorezaintzako ataleko zuzendaria, errealizadorea eta aurkezlea. Gaur Lur Gardenen egiten du lan.